ajab pagal si larki hai

ajab pagal si larki hai,
Mujhe her khat main lekhti hai,
Mujhe tum yaad karty ho?
Tumhain main yaad ati houn?

Meri baaten satati hain,?

Meri neenden jagati hain,?

Meri aankhen rulati hain,?

December ki sunhairi dhoop main,

Ab bhi tehaltay ho..?

Kisi khamosh raaste se koi awaz ati hai,?

Thetherti sard Raaton main ab bhi tum chath per jate ho.?

Falak k sab sitaron ko meri sab baaten sunate ho.?

Kitabon se tumhare ishq main koi kami ai?

Ya meri yaad ki shedat se aankhon main nami ai?

Ajab pagal si larki hai,mujhe her khat main lekhti hai.

Maqrooz Ke Bigray Howay Khayaalaat Ki Maanind

Mohsin Naqvi Poetry

Maqrooz Ke Bigray Howay Khayaalaat Ki Maanind
Majboor Ke Honton Pe Sawaalaat Ki Maanind

Dil Ka Teri Chaahat Mein Ajab Haal Howa Hai
Sailaab Se Barbaad Makaanaat Ki Maanind

Mein Un Mein Bhatkay Howay Jugnu Ki Tarah Hun
Os Shakhs Ki Aankhain Hain Kisi Raat Ki Maanind

Dil Roz Sajaata Hun Mein Dulhan Ki Tarah
Gham Roz Chalay Aatay Hain Baaraat Ki Maanind

Ab Ye Bhi Nahi Yaad Ke Kia Naam Tha Os Ka
Jis Shakhs Ko Maanga Tha Manaajaat Ki Maanind

Kis Darja Muqaddas Hai Tere Qurb Ki Khwaahish
Maasoom Se Bachay Ke Khayaalaat Ki Maanind

Os Shakhs Se Milna “Mohsin” Mera Mumkin Hee Nahi
Mein Pyaas Ka Sehra Hun Wo Barsaat Ki Maanind

Mohsin Naqvi Poetry

Mohsin Naqvi Poetry

Aawargi mei “mohsin” is ko b hunar jana,
Iqrar-e-wafa kerna, phir us se mukar jana

Jab khwab nahi koi, kya zindagi ka karna
Har subh ko jee uthna har raat ko mar jana

Shab bhar k thikane ko ik chatt k siwa kya hy,
Kya waqt pe ghar jana, kya dair se ghar jana,

Aisa na ho darya mei tum baar-e-garaa’n thehro,
Jab log ziada hon kashti se utar jana,

Suqraat k peene se kya mujh pe ayaa’n hota,
Khud zehr piya mei ne tab us ka asar jana,

Jab bhi nazar aao gy hum tum ko pukare’n ge,
Chaho to thehar jana chaho to guzar jana…

Mohsin Naqi urdu poetry

Kabhi ulfat bhara lehja kabhi utra huwa chehra
samajh meiN kuch nahi aata bataa mera gunaah kya hey!
meri uljhan mita to dey
mujhey bataa to dey
meiN mujrim hooN ya mehram hooN! Saza kya hey, jaza kya hey!
meri saaNseiN to chalti heiN teri yaadoN sey aey hum'dam
nahi fursat ke ye sohooN fana kya hey, baqa kya hey
mera ye dil,
meri dharrkan
meri saaNseiN ye jaan
ye sab kuch naam terey hey
bata peechey bacha kya hey!

Mushahid Hussain Sayed pictures

Wo humsafar tha magar us say humnawaayi na thi

Woh humsafar tha magar us say humnawaayi na thi 
Keh dhoop chaaon ka alam raha, judaai naa thi 

Na apna ranj, na auron ka dukh, na tera malaal 
Shab-e-firaaq kabhi hum nay yun ganwayii na thi 

Mohabbaton ka safar is tarha bhi guzra tha 
Shikasta dil thay musaafir,... shikasta paayi na thi 

Adawatain thin, taghaful tha, ranjishen thin magar 
Bicharrnay waalay main sab kuch tha, bewafaayi na thi 

Bichartay waqt un ankhon main thi hamari ghazal 
Ghazal bhi woh jo kisi ko abhi sunaayii naa thi 

Kabhi yeh haal keh donon main yak-dili thi bohat 
Kabhi yeh marhalaa jaisay keh ashnaayi na thi 

Ajeeb hoti hai rah-e-sukhan bhi dekh 
Wahaan bhi aa gaye akhir jahan rasaayii na thi 

Ae meharbaan qasid

"Ae meharbaan qasid"

"WO" Kaheen mille to use ye kehna..!

K faseel-e-nafrat gira raha hoon,

Guzre dinon ko bhola raha hoon,

Wo apne wade se phir gaya hai,

Main apne wade nibha raha hoon,

Kahin mille tu use ye kehna..!

Na dil mein koi malal rakhe,
Hamesha "apna khyal rakhe",

Apne sare ghum mujh ko de day
Aur tamam khushiyan sambhal rakhe,

Kahin mille to ose ye kehna..!

Main tanha sawan bita chuka hoon,

Main sare arman jala chuka hoon.